रुपन्देहीको नयामिलमा कार र मोटरसाइकल ठोक्किए, एक को मृत्यु::Nepali No 1 Newspaper

रुपन्देहीको नयामिलमा कार र मोटरसाइकल ठोक्किए, एक को मृत्यु

विश्व नेपाली

प्रकाशित मिति : बिहिबार, फाल्गुन २२, २०८१

मृत्यु हुनेमा गुल्मीको रुरु गाउँपालिका- ३ घर भई हाल बुटवल- ३ ट्राफिकचोक बस्दै आएका १९ वर्षीय रोशन परियार रहेको जिल्ला प्रहरी कार्यालय रुपन्देहीले जनाएको छ । तिलोत्तमा- ५ स्थित शान्ति नमुना मावि कक्षा १२ मा अध्ययनरत परियारको उपचारका क्रममा मृत्यु भएको डीएसपी सुरज कार्कीले जानकारी दिए ।

कार्कीका अनुसार बुटवलबाट आउँदै गरेको लु ५६ प १९६१ नम्बरको मोटरसाइकल र मुख्य हाइवेको पश्चिम लेनबाट पूर्वतर्फ बाटो काट्दै गरेको बा २० च १७५४ नम्बरको कार नयाँमिलस्थित जनसेवा क्लबअगाडि आज बिहान एक आपसमा ठोक्किएका हुन् ।

दुर्घटनामा परी गम्भीर घाइते भएका परियारको उपचारका क्रममा निधन भएको र कार तथा कार चालकलाई नियन्त्रणमा लिएर छानबिन अगाडि बढाइएको प्रहरीले जनाएको छ