काठमाडौँ । राष्ट्रिय जनमोर्चाका अध्यक्ष तथा प्रतिनिधिसभाका सांसद चित्रबहादुर केसीले प्रतिनिधिसभामा प्रश्न गर्नुभएको छ : ‘राजनीतिक दलप्रति यतिका घृणा भएपछि देश रहन्छ  ?’

२०८१ माघ १८ गते शुक्रबार प्रतिनिधिसभाको बैठकमा मन्तव्य राख्दै उहाँले सो प्रश्न सांसदमाझ राख्नुभएको हो ।

‘आज मुलुकको तस्बिर के छ रु सबैभन्दा बढी घृणा राजनीतिक पार्टीहरूप्रति छ’ उहाँले भन्नुभयो–’यस्तो भएपछि मुलुक रहन्छ ?’

अध्यक्ष केसीले पहिला पहिला राजनीतिक पार्टीप्रति उच्च सम्मान भएको स्मरण गर्नुभयो ।

लोकतन्त्र गणतन्त्र आएपछि राजनीतिक दलको नेतृत्वले सही काम गर्न नसक्दा नै यस खालको अवस्था आएको उहाँको ठम्माइ थियो ।

‘हामीप्रति यतिका घृणा किन गरिएको छ, तपाईहरूले ख्याल गर्नुभएको छ ?’ उहाँले भन्नुभयो–’हामीले यस्तो भाष्य बनाएका छौँ, नेपालमा केही हुन्न । केही गर्न विकसित देश जानुपर्छ, नभए अरबका खाडी जानुपर्दछ ।’

उहाँले तिनै अरबका खाडीका नेपालीले पठाएको रेमिट्यान्स सरकार र संसद् चलाइरहेको दाबी गर्नुभयो ।

सांसद केसीले राजनीतिक दलप्रतिको घृणाले सिङ्गो देश प्रभावित हुने धारणा राख्नुभयो ।

‘लोकतन्त्र कसैले बक्सिस दिएको हो र हामीलाई ? हामीले जेलनेल, यातना खाएर ल्याएको होइन यो व्यवस्था ?’ उहाँले भन्नुभयो–’आज हामीले जनतालाई के दियौँ ? महँगी, भ्रष्टाचार, राष्टघात । यही त हो हामीले दिएको ।’

देशमा उद्योगव्यवसाय नखोलिएकाले दिनमा हजारौँ युवा विदेशिने गरेको बताउँदै राजनीतिक दलप्रतिको घृणालाई गम्भीर रूपमा लिनुपर्ने धारणा उहाँको थियो ।

फरक प्रसङ्गमा उहाँले संविधान नै संशोधन गर्ने हो भने प्रदेश संरचना खारेज गर्ने गरी संविधान संशोधन गर्न आग्रह गर्नुभयो ।

त्यस्तै, युएसएडले अरू सहयोग परियोजनाको रकम रोक्का गर्दा एमसिसी नरोकेकोप्रति संसद्को ध्यानाकष्ण गराउनुभयो ।

‘तपाईंहरूले बुझ्नुभयो कुरा रु युएसएडले अरू रकम रोक्दा एमसिसीको रकम किन नरोकेको ’ उहाँले भन्नुभयो– ‘तपाईंहरूले अहिले पनि बुझ्नुभएन कुरा ।