बागलुङका भीमप्रसाद पौडेल एमाले छोडेर राष्ट्रिय जनमोर्चामा प्रवेश

विश्व नेपाली

प्रकाशित मिति : बिहिबार, साउन २२, २०८२

काठमाडौँ । बागलुङ जिल्ला बरेङ गाउँपालिका वडा नम्बर ३ बाटाकाचौर निवासी भीमप्रसाद पौडेल राष्ट्रिय जनमोर्चामा आबद्ध हुनुभएको छ ।

नेकपा (एमाले) परित्याग गरेको जानकारीसहितको वक्तव्य २०८२ साउन २३ गते बिहीबार जारी गर्दै उहाँ राजमोमा प्रवेश गर्नुभएको हो ।

आफू पहिला पनि राजमोमा सङ्गठित भएको स्मरण गराउँदै पौडेलले २०५८ फागुनमा भ्रमवश एमालेमा प्रवेश गरेको स्वीकार गर्नुभएको छ ।

उहाँले वक्तव्यमा भन्नुभएको छ– “नेकपा (एमाले) को नीति, सिद्धान्त, उसले लिएको राष्ट्रघाती नीतिको कारण म उक्त पार्टीमा नरहने निर्णय गरी २०८१ जेठमा राजीनामा दिएको अवगत गराउँदै आजउप्रान्त राजमोमा पुनः सहभागी भई जिम्मेवारीपूर्वक काम गर्ने प्रतिबद्धता व्यक्त गर्दछु् ।”