गुल्मी तम्घास  । गुल्मी जिल्लाको सदरमुकाम तम्घास बजारमा  जनमोर्चाले भ्रष्टाचारको विरुद्धमा आज बिरोध  सभा सम्पन्न गरेको छ ।

राष्ट्रिय जनमोर्चाकि  केन्द्रीय सदस्य तथा लुम्बिनी प्रदेशसभाकी सांसद तारा थापाक्षेत्रीको प्रमुख आतिथ्यमा २०८२ साउन २९ गते बिहीबार तमघासबजारमा सो कार्यक्रम सम्पन्न भएको हो ।

प्रदेश सांसद तारा  थापाले भ्रष्टाचारका कारणले देशको विकासनिर्माण पछि परेको बताउदै ,देशले धान्न न सक्ने प्रदेस खारेज गर्नुपर्ने धाराणा राखेकि थिन।

राजमोले जनताको चेतनास्तर उठाएर भ्रष्टाचारलाई समूल अन्त्य गर्ने लक्ष्य राखेको बताउँदै उहाँले अहिले त्यस दिशामा साङ्केतिक कदम मात्र उठाएको  तारा थापाको दाबि थियो।

आगामी दिनमा भ्रष्टाचारका विरुद्धको आन्दोलन निरन्तर सञ्चालन गर्ने पनि सांसद थापाले बताइन।

कार्यक्रममा राजमो गुल्मीका सचिव छविलाल सर्तुङी  र राजमो गुल्मीका सल्लाहकार रामेश्वर खत्रीले समेत मन्तव्य राखेका थिय।

सभाको सञ्चालन राजमो गुल्मीका सहसचिव हरि न्यौपानेले गरेका थिय।