बागलुङ — राष्ट्रिय जनमोर्चा बागलुङले सञ्चालन गरेको राष्ट्रियता र संविधानको रक्षा तथा संघीयता खारेजीका लागि जनजागरण अभियान २०८२ अन्तर्गत बागलुङका विभिन्न स्थानीय तहहरूमा प्रशिक्षण तथा भेला कार्यक्रम सम्पन्न भएका छन्।
अभियान अन्तर्गत २०८२ असोज २५ गते बरेङ गाउँपालिका–५ सुखौरा, जैमिनी नगरपालिका–८ छिस्ती, काठेखोला गाउँपालिका–४ तंग्राम, गलकोट नगरपालिका–१ दुदिलाभाटी, ढोरपाटन नगरपालिका–५ अधिकारीचौर र बागलुङ नगरपालिका–१२ अमलाचौर मा कार्यक्रम सम्पन्न भएका हुन्।
—
🔹 सुखौरा
सुखौरामा सम्पन्न प्रशिक्षण भेलामा राष्ट्रिय जनमोर्चा बागलुङका सचिवालय सदस्य कृष्ण पौडेल प्रमुख अतिथि रहेका थिए।
कार्यक्रममा अखिल नेपाल युवक संघ बागलुङका सदस्य तुफान पुन र राष्ट्रिय जनमोर्चा बरेङका सल्लाहकार रुपनारायण शर्माले मन्तव्य राखेका थिए।
कार्यक्रम वडा अध्यक्ष चित्रबहादुर शेरपुर्जाको अध्यक्षता, नरिश्वर पौडेलको सञ्चालन र टिकाराम शर्माको स्वागत मन्तव्यमा सम्पन्न भएको थियो।
भेलाले चित्रबहादुर शेरपुर्जाको अध्यक्षतामा ११ सदस्यीय राष्ट्रिय जनमोर्चा वडा समिति सुखौरा गठन गरेको छ।
त्यस्तै, युवाहरूको भेलाले रेशम शेरपुर्जाको अध्यक्षतामा ९ सदस्यीय अखिल नेपाल युवक संघ वडा समिति सुखौरा गठन गरेको छ।
🔹 छिस्ती
छिस्तीमा सम्पन्न प्रशिक्षण कार्यक्रममा राष्ट्रिय जनमोर्चा बागलुङका सचिवालय सदस्य डिलबहादुर श्रीस प्रमुख अतिथि थिए।
कार्यक्रमले स्थानीय कार्यकर्तालाई संगठन सुदृढीकरण र राजनीतिक स्पष्टताबारे प्रशिक्षण दिएको थियो।
🔹 तंग्राम
तंग्राममा सम्पन्न कार्यक्रममा राष्ट्रिय जनमोर्चा बागलुङका अध्यक्ष तिलक थापा प्रमुख अतिथि थिए।
उक्त कार्यक्रममा जिल्ला सचिवालय सदस्य लक्ष्मण पुन, अखिल नेपाल शिक्षक संघका सदस्य कमला थापा,
अखिल नेपाल जनजाति सम्मेलनका उपाध्यक्ष ओम पुन, अखिल नेपाल किसान संघका सदस्य दिलबहादुर पुन र अखिल नेपाल युवक संघका सदस्य प्रदिप पुनलगायतले मन्तव्य राखेका थिए।
कार्यक्रम वडा अध्यक्ष विष्णु कडेलको अध्यक्षता, कृष्ण बिकको सञ्चालन, र सचिव थिरबहादुर रानाको स्वागत मन्तव्यमा सम्पन्न भएको थियो।
—
🔹 दुदिलाभाटी
दुदिलाभाटीमा सम्पन्न प्रशिक्षण भेलामा राष्ट्रिय जनमोर्चाका केन्द्रीय सल्लाहकार तथा जिल्ला समन्वय समिति प्रमुख अमर थापा प्रमुख अतिथि थिए।
कार्यक्रममा केन्द्रीय सदस्य बेदिलाल सापकोटा, गलकोट नगरअध्यक्ष टंक केसी, जिल्ला सदस्य लालबहादुर राना, अखिल नेपाल शिक्षक संघका केन्द्रीय सदस्य पुस्कर सापकोटा लगायतले शुभकामना मन्तव्य दिएका थिए।
कार्यक्रम वडा अध्यक्ष रनबहादुर बिकको अध्यक्षता, नारायण सापकोटाको सञ्चालन र दुर्गा पुनको स्वागत मन्तव्यमा सम्पन्न भयो।
उक्त भेलाले नन्दु नेपालीको अध्यक्षतामा ९ सदस्यीय जातीय समता समाज वडा समिति दुदिलाभाटी गठन गरेको छ।
🔹 अधिकारीचौर
अधिकारीचौरमा सम्पन्न कार्यक्रममा राष्ट्रिय जनमोर्चाका केन्द्रीय सदस्य गौरीश्वर पाण्डे प्रमुख अतिथि थिए।
कार्यक्रममा जिल्ला कोषाध्यक्ष दिपक थापा र अखिल नेपाल शिक्षक संघका सदस्य सुनमाया घर्तीले पनि मन्तव्य राखेका थिए।
कार्यक्रम वडा अध्यक्ष तुल्सी खरेलको अध्यक्षता, केशव सापकोटाको सञ्चालनमा सम्पन्न भएको थियो।
🔹 अमलाचौर
अमलाचौरमा सम्पन्न कार्यक्रममा राष्ट्रिय जनमोर्चा बागलुङका सचिवालय सदस्य थानेश्वर सुवेदी प्रमुख अतिथि थिए।
कार्यक्रममा राष्ट्रिय जनमोर्चा बागलुङका सदस्य लोकनाथ शर्माले मन्तव्य राखेका थिए।
कार्यक्रम वडा अध्यक्ष घनश्याम बिकको अध्यक्षता, बुद्धि चापागाईंको सञ्चालन, र गोविन्द पौडेलको स्वागत मन्तव्यमा सम्पन्न भएको थियो।
राष्ट्रिय जनमोर्चाको यो जनजागरण अभियानले बागलुङका विभिन्न स्थानमा संविधान र राष्ट्रिय सार्वभौमिकताको रक्षा, संघीयता खारेजी र वैकल्पिक राजनीतिक दृष्टिकोणको प्रसारलाई केन्द्रमा राख्दै स्थानीय तहसम्म संगठन विस्तारमा बल पुर्याएको पार्टीले जनाएको छ।
