तीन प्रदेशमा हल्का वर्षा र हिमपातको सम्भावना

विश्व नेपाली

प्रकाशित मिति : शनिबार, कार्तिक ९, २०८२

रुपन्देही , कात्तिक ८, २०८२ – हाल देशभर कुनै उल्लेखनीय मौसम प्रणालीको प्रभाव नपरेको छ। जल तथा मौसम विज्ञान विभागको मौसम पूर्वानुमान महाशाखाका अनुसार शनिबार दिउँसो सबै प्रदेशका पहाडी भू–भागमा आंशिक बदली रहनेछ भने बाँकी भू–भागमा मौसम मुख्यतया सफा रहनेछ।

महाशाखाका अनुसार कोशी, बागमती र गण्डकी प्रदेशका पहाडी तथा हिमाली भू–भागका केही स्थानमा हल्का वर्षा र हिमपातको सम्भावना छ। शनिबार राति पनि यी तीन प्रदेशका पहाडी भू–भागमा आंशिक बदली रहनेछ भने बाँकी भू–भागमा मौसम सफा रहने छ।