लालकिरण पोख्रेल
यहाँ आन्दोलनमा हुन्छ
छाेराछाेरी मारिन्छ
रगतको भेल बगाइन्छ
आमाको काख रितिन्छ
श्रीमतीको सिन्दुर पुछिन्छ
बाबाको भराेसा टुटिन्छ
बालबच्चा टुहुरा बनाइन्छ
आन्दोलन हुन्छ ।
दिदीबहिनीको हात खाली हुन्छ
आफन्तको माया टुटाइन्छ
राजनीतिक आराेप लगान्छ
जेलकाे कठघरामा उभाइन्छ
गाउँ सुनसान हुन्छ
प्रकृति उजाड हुन्छ
फूल पनि ओइलाउँछ
चराचुरुङ्गी पनि हराउँछन्
मसानघाटकाे राज्य हुन्छ
आन्दोलन हुन्छ ।
क्षणभरमा इतिहास मेटिन्छ
अदालत खरानी हुन्छ
संसद खरानी बन्छ
भाैतिक संरचनाबाट
कालाे मुस्लो निस्कन्छ
आकाश कुहिराेले छाेपिन्छ
जगतमा हाहाकार मचिन्छ
घाइतेहरूको चित्कार सुनिन्छ
देश सन्नाट हुन्छ
आन्दोलन हुन्छ ।
विकासको बाटो अबरुद्ध हुन्छ
कुन ऋतु आउँछ जान्छ
कसैलाई थाहा हुँदैन
कुन पर्व आउँछ जान्छ
मानवमा उमङ्ग ल्याउँदैन
देश आज निसासिएकाे
जरा कुहिएर मक्किएकाे
पत्र झरेर निखार वृक्ष
आन्दोलन हुन्छ ।
विदेश जानेकाे लर्काे देखिन्छ
बाकसमा शव ल्याएको देखिन्छ
कालाे बजारले उचाइलिन्छ
व्यापार घाटा चुलिन्छ
विदेशी ऋणमा देश चलाइन्छ
अर्थतन्त्र बालुवा मिसाइन्छ
देशको जर्जर भएको छ
शासकहरू कुम्भकर्ण बनेर
मूलद्वार बन्द गरेर
जस्केलाबाट नयाँ
सरकार निर्माण भएको छ
आन्दोलन हुन्छ ।
यहाँ व्यक्तिगत
पारिवारिक
समूहका स्वार्थ
संस्थाका स्वार्थ
पूरापूर गर्नकाे लागि
आन्दोलन हुन्छ ।
यहाँ
कहिले उत्तरी हावाले छुन्छ
कहिले दक्षिणी हावाले छुन्छ
कहिले पश्चिमी हावाले छुन्छ
कहिले पूर्वेली हावाले छुन्छ
र
देशमा भिषण आन्दोलन गराउँछ
देशलाई तहसनहस बनाउँछ
समाचारले प्राथामिकता पाउँछ
निरीह जनता काकाकुल बनेर
निर्मल, स्वच्छ र सफा
आकाश एकाेहाेराे हेरिरहन्छन् ।
आन्दोलन हुन्छ ।
