रूपन्देही, कार्तिक २८/२९ — नेपाल कम्युनिस्ट पार्टी (मसाल) जिल्ला समिति रूपन्देहीले दुई दिने प्रशिक्षण कार्यक्रम सम्पन्न गरेको छ। कार्यक्रम नेका पा (मसाल) रूपन्देहीका प्रवक्ता लालचन्द्र पन्थको सञ्चालनमा भएको थियो।
कार्यक्रमको अध्यक्षता सुदिप शर्मा न नेका पा (मसाल)का पि.वि.एम. सदस्य शितल, केन्द्रिय सदस्य रूपन्देही इन्चार्ज सुदि प शर्मा, डिसिप सदस्य उत्तरकुमार र हरिशरण लगायतका वक्ताहरूले प्रशिक्षण सत्रलाई सम्बोधन गरेका थिए।
प्रशिक्षणको प्रमुख विषयहरूमा दर्शन, तत्कालीन राजनीति, जेन्जी आन्दोलन र त्यसमा संलग्न राजनीतिक शक्तिहरूको विश्लेषण, आम चुनावसम्बन्धी धारणा तथा अन्तर्राष्ट्रिय परिस्थितिबारे दृष्टिकोण समावेश थियो। विषयगत प्रस्तुतिमा उत्तरकुमार, शितल, स. शर्मा र हरिशरणले आफ्ना धारणा राखेका थिए।
कार्यक्रममा सहभागीहरूले उठाएका प्रश्नहरूको उत्तर दिने विशेष प्रश्न–उत्तर सत्र पनि आयोजना गरिएको थियो। अन्त्यमा मन्तव्य सहित कार्यक्रम औपचारिक रूपमा समापन गरिएको आयोजक समितिले जनाएको छ।
