उद्धब मगर, दोहा ।

कतारमा अखिल नेपाल महिला सङ्घकी अध्यक्षकी अध्यक्ष मनिा पुनको प्रमुख आतिथ्यमा प्रशिक्षण कार्यक्रम सम्पन्न भएको छ ।

कतार नेपाली एकता समाज केन्द्रीय समितिको आयोजनामा अगस्त ३०, २०२४ का दिन उक्त कार्यक्रम सम्पन्न भएको हो ।

प्रमुख प्रशिक्षक पुनले प्रशिक्षणात्मक मन्तव्य राख्दै कतार नेपाली एकता समाजको नीतिनियम, विधिविधान, तहतप्कामा रहेर काम गर्दा जहिले पनि म भन्ने शब्दबाट टाढा रहेर हामी भन्ने शब्दको प्रयोग गर्दै र सम्पूर्णलाई आभास हुने गरी सङ्गठनमा परिचालित हुनुपर्ने बताउनुभयो ।

कतिपय साथीहरू काम गर्दै जाने क्रममा केही कुराको जानकारी नहुँदाखेरि केही असन्तुष्टि आउन सक्ने अवस्था पनि रहेको र त्यो मुख्य त म भन्ने शब्द मात्रै उपयोग भयो भने यस्तो अबस्था आउन सक्ने उहाँको धारणा थियो ।

कार्यक्रममा अन्तर्राष्ट्रिय नेपाली एकता समाजका महासचिव लुमाकान्त पुनमगर पनि प्रशिक्षण दिनुभएको थियो ।

समाजका अध्यक्ष रामप्रसाद पराजुलीको अध्यक्षता तथा महासचिव मीनराज पुनमगरको सञ्चालनमा अघि बढेको उक्त कार्यक्रममा सहभागीलाई केन्द्रीय सदस्य खगेश्वर भुसालले स्वागत गर्नुभएको थियो ।