बुटवल, ६ चैत । लुम्बिनी प्रादेशिक अस्पताल मा अत्याधुनिक एमआरआई सेवा सुरु भएसँगै अब उपचारका लागि काठमाडौं र गोरखपुर धाउनुपर्ने बाध्यता अन्त्य भएको छ।
लुम्बिनी प्रदेशका मुख्यमन्त्री चेतनारायण आचार्य ले उद्घाटन गर्नुभएको उक्त सेवा प्रदेश सरकारको सहयोगमा सञ्चालनमा आएको हो। सेवाको सुरुवातसँगै बिरामीले सस्तो, छिटो र गुणस्तरीय परीक्षण पाउने विश्वास गरिएको छ।
अस्पताललाई भविष्यमा प्रतिष्ठानका रूपमा विकास गर्ने योजना अघि बढाइँदै गएको छ, जसले प्रदेशभित्रै विशिष्टीकृत स्वास्थ्य सेवा विस्तारमा थप टेवा पुर्याउने अपेक्षा गरिएको छ।
