‘गाजा प्यालेस्टिनी जनताको हो र यो प्यालेस्टिनी भूभागको अविभाज्य भाग हो,’ विदेश मन्त्रालयका प्रवक्ताले एएफपीलाई दिएको सन्देशमा भनेका छन्।
‘गाजामा मानवीय सङ्कट कम गर्न र बन्धकहरूलाई मुक्त गर्न तुरुन्त युद्धविराम गर्नु सही उपाय हो,’ सन्देशमा भनिएको छ।
‘गाजा द्वन्द्वको पूर्ण समाधान युद्धविराममा निर्भर छ। त्यसपछि मात्र तनाव कम गर्ने मार्ग प्रशस्त गर्न सकिन्छ र क्षेत्रीय सुरक्षा सुनिश्चित गर्न सकिन्छ,’ चिनियाँ प्रवक्ताले सन्देशमा भनेका छन्।
इजरायली प्रधानमन्त्री बेन्जामिन नेतन्याहूले प्रस्ताव गरेको र उनको सुरक्षा क्याबिनेटले स्वीकृत गरेको योजनाअन्तर्गत इजरायली सेनाले गाजा सहरलाई नियन्त्रणमा लिने उनको कार्यालयले शुक्रबार जारी गरेको विज्ञप्तिमा उल्लेख छ।
गाजामा युद्ध भएको झण्डै दुई वर्षपछि नेतन्याहूले यस क्षेत्रका २० लाखभन्दा बढी जनतालाई अनिकालको सङ्घारबाट फिर्ता ल्याउन र प्यालेस्टिनी लडाकूहरूले बन्धक बनाएकाहरूलाई मुक्त गर्न युद्धविरामका लागि देश र विदेशमा दबाबको सामना गरिरहेका छन्।
‘गाजा पट्टीमा हमासलाई परास्त गर्ने योजनाअन्तर्गत इजरायली सेनाले गाजा सहरलाई नियन्त्रणमा लिने तयारी गर्नेछ र युद्धक्षेत्रबाहिरका नागरिकलाई मानवीय सहायता वितरण गर्नेछ,’ प्रधानमन्त्रीको कार्यालयले भनेको छ।
बेइजिङले गाजामा जारी द्वन्द्व यथाशीघ्र अन्त्य गर्न अन्तर्राष्ट्रिय समुदायसँग मिलेर काम गर्न इच्छुक रहेको शुक्रबार जनाएको छ। एएफपी
